23 шілде 2015 | 10:29

Алматыдағы сел. Оқиға қалай болды

Су басу аймағында Жандосов пен Яссауи көшелерінің қиылысының аймағы, Дружба және Ақжар ауылдары қалып қойды. Полиция оқиға орнын қоршауға алды. ©Дәурен Исаев

Алматыда 23 шілдеге қараған түні сел жүрді. Шамамен 2.15-те Қарғалы өзенінде су деңгейі көтерілді. Судың көтерілуі сел тасқынына алып келді. Алматының үш ауданы зардап шекті - Наурызбай, Әуезов және Алатау. "Секундына 10-12 текше метрмен ағып жатқан Қарғалы өзенінің арнасын бақылап отырмыз. Өзен үшін бұл өте үлкен ағыс. Селдің нәтижесінде үш аудан зардап шекті. Наурызбай батыр ауданындағы Чапаево елді мекені көбірек зардап шекті. Әуезов ауданына да ішінара зардап келді. Алатау ауданындағы Алғабас ауылының 97 үйін су басты. Сел бұл аудандарға қайта қауіп төндіріп тұрған жоқ", - деді қала әкімінің орынбасары Юрий Ильин.

ҚР ІІМ және ІІМ ТЖК жеке құрамы, сонымен қатар ішкі әскердің әскери бөліміне дабыл қағылды. Куәгерлердің айтуынша, су Яссауи көшесінің бойымен Райымбек даңғылына қарай ағып жатыр. © Даурен Исаев

Наурызбай ауданындағы мектепті су алды. ©Владимир Прокопенко

Кезекші бөлімге бір әйел хабарласып, Жандосов пен Яссауи көшелерінің қиылысындағы дәріханада жұмыс істейтін қызын құтқаруды сұраған. ©Владимир Прокопенко

ТЖД мәліметінше, ұялы байланыс операторлары алматылықтарға сел жөнінде sms хабарлама жіберуден бас тартқан. Бұл туралы Tengrinews.kz тілшісіне Алматы әкімінің кеңесшісі Сергей Куянов хабарлады. ©Владимир Прокопенко

Куяновтың сөзіне қарағанда, ол бұл сұрақты ТЖД басшысының орынбасарына қойған, бірақ ол ұялы байланыс операторларының сел туралы хабарлама таратудан бас тартқандарын айтты. ©Владимир Прокопенко

ТЖД мәліметінше, Наурызбай ауданындағы Қарғалы өзен суының деңгейінің көтерілгендігі жайлы хабар түнгі сағат 03.00-де түсті. Екі ауылды су басты - Қарғайлы және Каменка. Суды шлюз арқылы арнаға түсіру жұмыстары жүріп жатыр. Су бөгеті жарылған жоқ. Қазіргі уақытта су екі шлюз арқылы ағып жатыр. Жақын маңдағы елді мекеннің тұрғындары эвакуациялау жұмыстары жүру үстінде. Су бөгеті жарылған жоқ. Оқиға орнында құтқарушылар, полиция, ТЖД қызметкерлері және әкімпдіктің өкілдері жұмыс істеп жатыр - шама

ТЖД өкілдерінің айтуынша, қалаға қауіп жоқ. Наурызбай аудандық әкімдігінде жедел штаб құрылды. ©Владимир Прокопенко

Алматы әкімінің кеңесшісі Сергей Куянов 05.00-де мамандардың аймақты тексеруге ұшып кеткенін хабарлады. Оның айтуынша, полиция селдің екінші толқынының жүретіні жайлы және су бөгетінің жарылғандығы жайлы әлеуметтік желіде жалған хабар таратқандарды іздестіруді бастап кеткен. ©Владимир Прокопенко

©Владимир Прокопенко

Әкім Ахметжан Есімовтің Алматыдағы селдің тікұшақпен аралауы түсірілген видеосы мен суреттері жария болды ©Дәурен Исаев

Айта кетейік, соңғы мәлімет бойынша, Қарғалы өзеніндегі су деңгейінің көтерілуіне байланысты Қарғайлы және Таусамалы ықшамдаудандарының аумақтарын ішінара су басқан. ©Дәурен Исаев

Селден кейін Алматыда 280-нан астам адам эвакуацияланды. Оның барлығы №176 орта мектеп пен Наурызбай әкімдігінің ғимаратына жеткізілді. ҚР Ұлттық ұланы "Оңтүстік" өңірлік қолбасшылығы 5571, 28237 әскери бөлімдерінің жеке құрамы жұмылдырылды. ©Дәурен Исаев

©Дәурен Исаев

Наурызбай, Әуезов және Алатау аудандарындағы үйлер бүлінді. ©Дәурен Исаев

©Дәурен Исаев

Куәгерлер жолдаған сурет

©Владимир Прокопенко

Куәгерлерлің хабары бойынша, қаладан шығып кету жолында, "Алтынорда" базарының ауданында жол кептелісі пайда болды. Кейбір жолдарды ІІМ қызметкерлері қоршауға алған. "Апорт" сауда, ойын-сауық кешенінің аумағында да көлік көп. ©Айжан Түгелбаева