28 желтоқсан 2016 | 11:44

Астана Жаңа жыл қарсаңында ертегі қаласына айналды

Елорда тұрғындары мен қонақтары Жаңа жылды қарсы алуға дайындалып жатыр. Мереке қарсаңында Астана түрлі аркалармен, фигуралармен безендірілген. Жаңажылдық елордаға мыңдаған алау сән беріп тұр. Tengrinews.kz фотографы Тұрар Қазанғапов жаңажылдық Астананың әсемдігін суретке түсіріп алды.

Қала тұрғындары мен қонақтары суық пен қатты желге қарамастан, жаңажылдық алаулардың әдемілігін тамашалай алды.

Биыл 50-ден аса ғимарат жаңажылдық және алдағы EXPO-2017 көрмесінің тематикасы бойынша безендіріледі.

Астанада Жаңа жылға орай 17 шырша орнатылды. Бас шыршаның шырағын жағу рәсімі 18 желтоқсанда өтті.

Астанада енді негізгі төрт мұз қалашығы бар. Олар "Хан Шатыр" сауда орталығында, әкімдік алдында, Есіл өзені жақта "Студенческий" саябағында орналасқан.