11 желтоқсан 2015 | 15:03

Қазақстан аруы 2015. Үздіктердің үздігі қалай таңдалды

"Қазақстан аруы 2015" ұлттық конкурсын ақтаулық ару Әлия Мергенбаева жеңіп алды. Қорытындыны Олимпиада чемпионы Александр Винокуров жария етті. Конкурс финалына елдің барлық өңірінен 30 қыз қатысты. Шараның қалай өткені жайлы фотобаян ұсынамыз.

Бастапқыда қазылар алқасы осы отыздықтан ТОП-15 іріктеп алды. © Тұрар Қазанғапов

Қолдан тігілген ұлттық киім кию және кешкі көйлектермен сахнаға шығу номерінен кейін финалға шыққан бес арудың аты-жөні аталды, олар: Ақтау аруы Әлия Мергенбаева, ол 17 жаста; Астана аруы Камилла Темірова, ол 21 жаста; Қарағанды аруы Рената Нұрғазина - 18 жас; Талдықорған аруы Айдана Қанайева - 19 жас, Орал аруы Вероника Залата - 18 жас. © Тұрар Қазанғапов

Шешуші кезең халық арасынан дауыс жинау болды, ол тікелей эфирде sms-дауыс беру арқылы өтті. Бірақ дауыс беру нәтижелерін жария етудің алдында ақтық сынға шыққан бес ару қазылар алқасының сұрақтарына жауап берді. Осылайша көрермен қатысушылар туралы толығырақ мәлімет ала алды. © Тұрар Қазанғапов

Мәселен, 17 жастағы Әлия Мергенбаевадан қандай кітаптарды оқитыны жайлы сұралды. Әлия кітап оқымайтынын, бірақ Интернетте қызықты оқиғалар жайлы оқығанды ұнататынын айтып берді. Ал қарағандылық 18 жастағы Рената Нұрғазинаның ет тағамдарын жемейтіні белгілі болды. © Тұрар Қазанғапов

Конкурс жеңімпазы 5 миллион теңге ақшалай сыйлыққа, қазақтың дәстүрлі жасауына, сонымен қатар Қазақстанды "Әлем аруы-2016" халықаралық конкурсында таныстыру мәртебесіне ие болды. © Тұрар Қазанғапов