23 желтоқсан 2015 | 09:55

Мұзды қалашық Астананы ертегіге айналдырды

Биыл Қазақстан елордасы Жаңа жыл мерекесі қарсаңында ерекше безендірілді. Мұндай ертегідегі мұз қалашығын бұған дейін ешкім көрген емес. Tengrinews.kz фотографы Тұрар Қазанғапов мереке қарсаңындағы көңіл-күйді суреттер арқылы жеткізуге тырысты.

Бұл мұз қалашығының қалай тұрғызылғанын өткен бір фотобаянда айтқан болатынбыз. Желтоқсан айының басында күн жылы болып, қиындықтар туындаған еді. Қазір барлығы қалпына келді.

Елорда билігі биыл қаланы безендіру үшін заманауи тенденция мен технологиялардың қолданылғанын мәлімдеді.

Қала жарық иллюминациялық аркамен және тіреуіштермен безендірілді.

Жағалау суретке түскісі келетіндерге арналған таптырмас орынға айналды.

Қалада төрт мұз қалашығы салынды: "Хан Шатыр" сауда және ойын-сауық орталығы маңында, әкімдік ғимараты алдындағы қалалық алаңда, Есіл өзенінің жағалауы мен "Студенттер" саябағында.

Биыл әкімдік елордаға 40 шырша орнатуға уәде етті. Шенеуніктер шыршалардың барлық ауданда болуына аса мән берді.

Жарықтандыру жүйесі жіті ойластырылды: жарық диодты шамдар түрлі түске боялып, мұзға жарық эффектілерін берді.

Ересектер де, балалар да төбешіктерден сырғанап жүр.

Қала билігінің мәліметінше, қалада 12 мұз айдыны мен корт ашылған.

Биыл безендіру жұмыстары үшін мерекелік көңіл-күй сыйлайтын ақ түсті жарық диодты тізбек алғаш рет қолданылды.

Ал бұл адамдар күннің жарығында жаңажылдық көңіл-күй сыйлап жүр.

Дегенмен, қала билігі биыл күндізгі уақытта да қалаға сән беретін жарықтандыру болатынын хабарлады. Жаңа технологиялар қаланы тек түнде емес, күндізгі уақытта да сәндейді.