Қылқаламнан туған көңіл-күй

"Кез келген сурет салатын бағдарламада сала беремін, стилус болса болғаны", - дейді автор. ©Айсұлу Сапарова

Адамның кескін-келбеті - сан алуан эмоцияның айнасы, белгілі бір уақыт аралығында адамның жүзінде түрлі көңіл-күй мен сезім құбылуы мүмкін. Жас суретші Айсұлу Сапарова өз шығармашылығына адам портреттері мен ішкі сезімдер арасындағы өзара байланысты арқау еткен. Айсұлу Астана қаласында тұрады. Мамандығы - заңгер. Бейнелеу өнерімен бала кезінен шұғылданып келеді. Өзінің айтуынша, бұл - оның хоббиі. Tengrinews.kz суретші кейіпкерлерінің бет-жүзінен байқалған эмоцияларға мән беруді ұсынады.

Жас шебер суреттерін түрлі жанрда салады. Бірақ кейінгі кезде иллюстрация, фэшниллюстрация бағыттарына ден қойып жүр. ©Айсұлу Сапарова

"Бір суретке уақыт әрқалай кетеді, қиындығына, көлеміне, детальдардың көптігіне, сурет салу техникасы және, әрине, көңіл-күйге байланысты", - дейді Айсұлу Сапарова.