Қаскүнемдердің біреудің компьютерін қалай басқарып алатыны анықталды

Intel процессорларының осал тұсы анықталды, ол қаскүнемдердің бірнеше секунд ішінде компьютерді басқаруға жол ашып алуына мүмкіндік береді, - деп хабарланды компьютерлік қауіпсіздік саласында мамандандырылған F-Secure фин компаниясының сайтында.

Intel процессорларының осал тұсы анықталды, ол қаскүнемдердің бірнеше секунд ішінде компьютерді басқаруға жол ашып алуына мүмкіндік береді, - деп хабарланды компьютерлік қауіпсіздік саласында мамандандырылған F-Secure фин компаниясының сайтында.

Бұл проблема Active Management Technology технологияларында анықталды, олар компьютерді баптау мен қауіпсіздігін басқаруды қашықтан қатынасу арқылы қамтамасыз етеді. Әлем бойынша миллиондаған корпоративтік құрылғылар қаскүнемдердің құрығына ілінуі мүмкін, делінген F-Secure хабарламасында.

Қаскүнемдер құрылғыны қосу кезінде Intel Management Engine BIOS мәзіріне кіре алады, олар әдетте сақталып қойылатын парольді пайдаланады, содан кейін өзіне қашықтан қатынасуға жол ашады. Бұл олқылық бір қарағанда жай ғана нәрсе болып көрінуі мүмкін, алайда одан келетін нұқсан "орасан зор", деді F-Secure компаниясының қызметкері, проблеманы алғаш болып анықтаған Гарри Синтонен.

"Тәжірибеде оның көмегімен, қауіпсіздіктің ең мықты шараларына қарамастан, біреулердің жұмыс компьютерін толық басқаруға қол жеткізуге болады", - деді ол.

Сондықтан, құрылғыны мұндай қаскүнемдіктен сақтау үшін физикалық қолжетімділік болу керек. Ол дегеніміз, жүйені бұзу процесі өте жылдам жүреді, егер қоғамдық жерде компьютеріңізді бір минутқа қараусыз қалдырып кететін болсаңыз қаскүнемдердің құрбаны боласыз, деді компания мамандары.

соңғы жаңалықтар Компьютеры Вирус Intel