14 наурыз 2017 | 15:25

Қазақ тілін кітап оқу арқылы меңгеруге мүмкіндік беретін қосымша шықты

Айдос Қосыбаев

Қазақстандық құрастырушылар Oyan - қазақ тілін үйренуге арналған бірегей мобильді қосымша ойлап тапты, - деп хабарлайды Tengrinews.kz тілшісі.

Қазақстандық құрастырушылар Oyan - қазақ тілін үйренуге арналған бірегей мобильді қосымша ойлап тапты, - деп хабарлайды Tengrinews.kz тілшісі.

"Оның мақсаты - қазақ тілін кітап оқу арқылы меңгеруге мүмкіндік беру", - дейді Zero To One Labs басшысы Арман Сүлейменов.

"Oyan қосымшасының міндеті - қазақ әдебиетін және қазақ тілін енді меңгеріп жүргендер мен тұрғылықты деңгейде білетін адамдар үшін де жеңіл етіп беру. Мектепте оқып жүргенімде әкем Н.Г. Чернышевскийдің ағылшын тілінің грамматикасын бір роман оқу арқылы меңгергенін туралы айтқаны есімде. Шын мәнінде кітап оқу (Jeet Kune Do лингвистикада!) грамматиканы меңгеріп, идиоматиялық сөздерді жаттауға септігін тигізетін тәсілдердің бірі", - деді Сүлейменов Facebook желісіндегі өз парақшасында.

Oyan қосымшасы

Оның айтуынша, қосымшада белгілі қазақстандық авторлар - Абай Құнанбаев, Мұхтар Әуезов, Ыбырай Алтынсарин, Мұқағали Мақатаев, Ілияс Есенберлин, Мағжан Жұмабаев және тағы басқалардың 170-ке жуық кітабы енгізілген. "Ең бастысы - кез келген сөздің үстінен басу арқылы сол сөздің аудармасын, анықтамасын және қиын сөздердің түсіндірмесі ретінде басқа қолданушылардың қалдырған жазбаларын көре аласыз", - деп түсіндірді Сүлейменов.

Oyan қосымшасын App Store және Play Market-тен тегін бастырып алуға болады.

Айта кетейік, қазіргі уақытта мемлекеттік тілді меңгеруге арналған бірнеше қосымша бар.

Мысалы, Qazaq App қосымшасы ойын түрінде берілген. Онда батырдың Қазақстан қалаларына саяхаты негізделген, әр қала жаңа бір сабақтың бастамасы болады. Тарауды өткеннен кейін батыр Қазақстанды бағындырады. Әр тарау үш бөлімнен тұрады, олардың әрқайсысы бірнеше сабақтан құралған. Аудармадан бөлек, әр сөзге негізделген суреттер шығады, ол сөзді көру арқылы жаттап қалуға септігін тигізеді. Әр өткен сабақ сайын бауырсақ-ұпайлар беріледі.