+7 (777) 001 44 99
Қазақша
Русский
English
Apple алғаш рет Apple Silicon процессоры негізінде жасалған Mac компьютерлерін көрсетті. Компания басшысы Тим Кук жаңа MacBook-ті тікелей эфирде таныстырды, - деп хабарлайды Tengrinews.kz тілшісі РИА Новостиге сілтеме жасап.
Apple компаниясы өзі жасаған M1 процессорын "жаңа дәуір" деп атады. 8 ядросы бар чипсет 5 нанометрлік технология процесі бойынша жасалған (A14 Bionic сияқты).
Компания мәліметінше, платформаның қуат тұтынуы басқа өнімдерге қарағанда әлдеқайда төмен болады. Мысалы, MacBook Air 16 сағатқа дейін жұмыс істей алады. Mac-та қолданылатын графикалық үдеткіш 8 ядролық болды.
Жаңа MacBook-тың тұсаукесер рәсімінде оның басқа өнімдермен бәсекеге түсе алатыны айтылды.
Жаңа платформадағы алғашқы компьютерлер 13 дюйм MacBook Air және MacBook Pro ноутбуктері, сондай-ақ Mac mini болады.
Жаңа Macs Rosetta арқасында x86 архитектурасына жазылған қосымшалар іске қосылады.
Сонымен қатар, Big Sur деп аталатын Mac OS-тің ауқымды жаңартуы шықты. Қолданыстағы модельдерді жаңарту 12 қарашада басталады.
Америкалық тұтынушылар үшін нарықтағы жаңа өнімдердің құны белгілі болды. MacBook Air 999 доллардан (426 мың теңге), Mac mini - 699 доллардан (шамамен 298 мың теңге), MacBook Pro - 1299 доллардан (шамамен 554 мың теңге) сатылады. Жаңа компьютерлер келесі аптада сатылымға шығарылады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
