1. Басты
  2. Біл
  3. Техно
  4. Гаджеттер

WhatsApp бөтен адамға ақпарат береді: компания хабарламаға пікір білдірді 20 қаңтар 2021, 15:00

Қазақстандықтар "бұдан былай WhatsApp желісінде барлық жеке хат алмасу мен жеке дерек үшінші тұлғаларға қолжетімді болуы мүмкін және қоңыраулар
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фото Tengrinews.kz / Тұрар Қазанғапов Фото Tengrinews.kz / Тұрар Қазанғапов

Қазақстандықтар "бұдан былай WhatsApp желісінде барлық жеке хат алмасу мен жеке дерек үшінші тұлғаларға қолжетімді болуы мүмкін және қоңыраулар жазылады" деген хабарлама таратты. Ақпараттың рас-өтірігін Stopfake.kz журналистері анықтады, - деп хабарлайды Tengrinews.kz тілшісі. 

2020 жылғы желтоқсанда WhatsApp деректерді өңдеудегі өзгерістер туралы мәлімдеме жасады. Бірақ онда пайдаланушылардың жеке ақпаратын үшінші тұлғаларға беру қарастырылмаған. Дегенмен пайдаланушылар жаңа ережелерді қабылдауға тиіс екендеріне алаңдаған. Себебі, келіспегендер мессенджерде бұғатталатын болды. 

Басылым мәліметінше, бұл наразылық тудырып, адамдар қосымшаны пайдаланудан жаппай бас тартты. Мұндай реакция нәтижесінде WhatsApp иесі Facebook әкімшілігі жаңашылдықты енгізуді кейінге қалдырды.
WhatsApp блогындағы ақпаратқа сәйкес, 8 ақпанда, бұрын хабарланғандай, келіспеген пайдаланушылардың аккаунттары бұғатталмайды.

"Біз WhatsApp-тағы құпиялылық пен қауіпсіз қатынас қағидалары туралы шындыққа жанаспайтын қауесеттерді жою үшін жұмыс істейміз. Содан кейін компаниялар үшін жаңа мүмкіндіктер пайда бола бастаған кезде пайдаланушыларымызға біртіндеп 15 мамырға дейін жаңа саясатпен танысуды ұсынамыз", - делінген хабарламада.

Қорыта айтқанда, үшінші тараптардың WhatsApp қолданушыларының жеке хат-хабарларына заңды түрде қолжеткізе алатыны туралы хабарламалар жалған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!