2026 жылғы мамыр айы - Қазақстанда мерекелік демалыс күндері ең көп айлардың бірі. Ел тұрғындарын мемлекеттік мерекелер мен Құрбан айтқа орай қосымша демалыс күндері күтіп тұр. Демалысты, туыстарға баруды немесе табиғат аясындағы серуенді алдын ала жоспарлауыңыз үшін біз Tengri Life демалыс және жұмыс күндерінің егжей-тегжейлі күнтізбесін дайындадық.
Қазақстандықтар мамырда неше күн демалады?
Демалыс күндерінің саны жұмыс кестесіне байланысты болады:
- бес күндік жұмыс аптасында - 14 демалыс және 17 жұмыс күні;
- алты күндік жұмыс аптасында - 9 демалыс және 22 жұмыс күні.
Бірнеше мемлекеттік мереке мен демалыс күнінің ауыстырылуына байланысты мамыр жұмыс күндері ең аз айлардың бірі болмақ.
Мамырда Қазақстанда қандай мерекелер тойланады?
Мамырда қазақстандықтар бірден бірнеше мемлекеттік мерекені атап өтеді:
- 1 мамыр (жұма) - Қазақстан халқының бірлігі мерекесі;
- 7 мамыр (бейсенбі) - Отан қорғаушылар күні;
- 9 мамыр (сенбі) - Жеңіс күні.
Сонымен қатар 2026 жылы Құрбан айттың бірінші күні 27 мамырға (сәрсенбі) сәйкес келеді. Айта кетейік, исламдық мерекелер тікелей ай күнтізбесіне байланысты, сондықтан нақты күндер өзгеруі мүмкін.
Фото: depositphotos.com/Passcal. Иллюстрация: Tengrinews.kz/Жандарбек Манарбеков
Басқа мерекелер
Мамырда қазақстандықтар бірқатар кәсіби және мерекелік күндерді де атап өтеді:
- 10 мамыр (айдың екінші жексенбісі) - Аналар күні;
- 17 мамыр - Байланыс қызметкерлері күні;
- 20 мамыр - Метрология қызметкерлері күні;
- 21 мамыр - Мәдениет және өнер қызметкерлері күні;
- 31 мамыр (айдың соңғы жексенбісі) - Химия өнеркәсібі қызметкерлері күні;
- 31 мамыр - Саяси қуғын-сүргін және ашаршылық құрбандарын еске алу күні.
2026 жылдың мамыр айы қатарынан бірнеше ұзақ демалыс күндерінің арқасында қысқа сапарлар мен отбасылық демалыс үшін ең қолайлы айлардың бірі болады.
