Қазақстандық "Барыс" 2020 жылдың алғашқы матчында ҚХЛ-да соңғы орында келе жатқан ригалық "Динамоға" жол берді, - деп хабарлайды Vesti.kz.
Кездесу Ригада өтіп, айдын иелері 1:0 есебімен жеңіске жеткен. Матчтағы жалғыз шайбаны 13-минутта шабуылшы Кирилл Слепец соқты.
Осы жеңісінің арқасында "Динамо" 31 ұпай жинап, чемпионат пен Батыс конференциясының соңғы орнынан көтеріліп, минскілік "Динамоны" артта қалдырды. Ал "Барыс" 55 ұпаймен Шығыс конференциясында үшінші орында келеді.
Енді елордалық хоккейшілер келесі матчын 6 қаңтарда сырт айдында омскілік "Авангардқа" қарсы өткізеді.
