Қазақстанның хоккей құрамасы Швецияны ойсырата жеңді
© shaiba.kz
Қазақстан мен Швеция құрамалары арасындағы кездесу 5:0 есебімен аяқталды, - деп хабарлайды Vesti.kz сайтының қазақ бөлімі.
А тобындағы матч "Халық Аренада" Астана уақыты бойынша 19:30-да басталды. Қазақстан құрамасы ойыншыларынан Кирилл Савицкий, Ярослав Евдокимов, Константин Савенков, Антон Сагадеев және Дмитрий Гренц қарсыластар қақпасына дәл соққы жасап, көзге түсті.
Айта кетейік, Универсиада-2017 сайыстарында Қазақстан Қытай құрамасын 22:0 есебімен ойсырата ұтқан болатын, ал Швеция құрамасы чехиялықтарға 0:5 есебімен есе жіберіп қойған еді. Шешуші кезеңде Қазақстан мен Чехия құрамасы кездеседі, ал Швеция Қытаймен ойнайды.