Хоккейден Олимпиаданың үш дүркін чемпионы Виктор Тихонов қайтыс болды

Виктор Тихонов. ©РИА Новости

Мәскеуде хоккейден әйгілі бапкер, Олимпиаданың үш дүркін чемпионы Виктор Тихонов қайтыс болды, - деп хабарлайды РИА Новости ЦСКА клубының бас директоры Игорь Есмантовичке сілтеме жасап.

Мәскеуде хоккейден әйгілі бапкер, Олимпиаданың үш дүркін чемпионы Виктор Тихонов қайтыс болды, - деп хабарлайды РИА Новости ЦСКА клубының бас директоры Игорь Есмантовичке сілтеме жасап.

"Бүгін түнгі бірде Виктор Васильевич Тихонов ұзақ дерттен соң ауруханада қайтыс болды. ЦСКА хоккей клубы қайғырып көңіл білдіреді және жерлеуді ұйымдастырудың барлық мәселесін мойнына алады. Қазіргі уақытта онымен қоштасу және жерлеу уақыты белгісіз", - деді Есмантович. Айта кетейік, мұның алдында Виктор Тихоновтың өз бетімен қозғала алмайтыны және үйінен емделіп жатқаны хабарланған болатын. Кейін атақты спортшы ауруханаға жатқызылды.

Виктор Тихонов 1930 жылы 4 маусымда Мәскеуде дүниеге келді. Кәсіпқой хоккеймен 1945 жылдан бері айналыса бастады. Оның арқасында КСРО құрамасы 1984, 1988, 1992 жылдарда Олимпиада алтын медаль алып, 1980 жылғы Олимпиадада күміс медальді иеленді. Сонымен бірге, оның жетекшілігімен КСРО құрамасы 8 рет әлем чемпионы болды, ЦСКА 13 рет КСРО чемпионы атанды. 1998 жылы Виктор Тихоновтың есімі Халықаралық хоккей федерациясының Даңқ залына енгізілді. Сондай-ақ, оның аты Лозаннадағы Олимпиада даңқы мұражайына да жазылды.

Қаза Хоккей Ресей КСРО