+7 (777) 001 44 99
Қазақша
Русский
English
Чехияда хоккейші Якуб Петружалектің құрбысы өлі күйінде табылды, - деп хабарлайды LifeNews.ru. Жергілікті бұқаралық ақпарат құралдарының мәліметінше, белгілі топ-модель Катерина Нетолицкаяның денесін Петружалектің ағасы тауып алған. Якуб Петружалек - чех хоккейшісі, "Литвинов" клубының тәрбиеленушісі. Финляндия клубтарында да ойнаған.
Ол қазір Ресейде - Екатеринбургтің "Автомобилисінде" ойнайды, оның алдында Мәскеудің "Динамосында" болып, өткен жылы өзге ойыншылармен бірге Гагарин Кубогын жеңіп алған болатын. Чех полициясы өкілі Людмила Светлакованың хабарлауынша, "алдын ала мәлімет бойынша, қыз зорлық әрекеті салдарынан өлмеген". Пәтерден қастандық әрекетінің немесе қыз қайтыс болған уақыттағы бөгде адамның ізі табылмады. Марқұмның денесі сойылғаннан кейін оның өлімінің нақты себебі анықталады.
Ақпарат құралдарының мәліметінше, 1 қараша күні Нетолицкая 26 жасқа толды. Ол модель ретіндегі карьерасын 2004 жылы бастаған, 10 жыл ішінде Prada, L'Oreal, H&M сияқты танымал брендтермен жұмыс істеді. Оның соңғы жұмыстарының бірі H&M киім-кешек бренді үшін жасалған фотосессия болды. Қайғылы оқиға туралы естіген Якуб Петружалек бірден отанына ұшып кетті.
