+7 (777) 001 44 99
Қазақша
Русский
English
Қырғызстандағы әлеуметтік желілерінде қырғыз-қазақ шекарасына жақын маңда түсірілген Шу өзенінің суреті белсенді талқыланып жатыр, - деп хабарлайды Tengrinews.kz тілшісі Kaktus.media басылымына сілтеме жасап.
Алдын ала ақпарат бойынша, сурет 21 тамызда Қордай маңында түсірілген. Суретте өзен арнасы екіге бөлінген: сол арнада су Қырғызстанның Шу облысына кетеді, ал оң жағында Қазақстанға.
"Өзен арнасы неге осылай бөлінгені әлі белгісіз", - делінген басылым хабарламасында.
Фото: Жапар Усенов
Басылым мәліметінше, биыл Қырғызстан суармалы судың жетіспеуінен зардап шегіп отыр. Осыған байланысты екі ай бұрын Шу облысының фермерлері митингілер мен наразылық акцияларына шыққан.
Қырғызстан Су шаруашылығы департаментінің ақпаратына сәйкес, екі ел Шу өзені бассейнінің ресурсын 1983 жылғы ереже негізінде бөледі. Судың 58 пайызы Қырғызстанда қалады, 42 пайызы Қазақстанға барады. 2000 жылы жаңа үкіметаралық келісім жасалған, алайда бөлінген су бөлу мөлшері өзгерген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
