+7 (777) 001 44 99
Қазақша
Русский
English
Facebook компаниясы АҚШ-тың Есірткіге қарсы күрес басқармасынан тергеу мен іздестіру іс-шараларында жалған аккаунттарды қолданбайтындықтары туралы дәлелдерді талап етіп отыр, деп хабарлайды РИА Новости.
Facebook компаниясының қауіпсіздік жөніндегі басшысы Джо Салливан өзінің DEA администрациясына жазған хатында құқық қорғау органдары да әлеуметтік желілерді қарапайым қолданушалр секілді қолдану керек екенін жазды.Яғни желіде өзі туралы жалған ақпарат таратуға тыйым салынады.
Нью-Йорктың тұрғыны DEA қызметкерлерін өзінің атымен жалған парақша ашып, телефондағы суреттерін салып қойғаны туралы айтып шағым түсірген соң Салливан осы хатты жазған болатын. Шағымданушының өзі айтқандай, ол 2010 жылы есірткі сақтағаны үшін айыпталып тұтқындалған кезде оның телефонын құқық қорғау органының қызметкерлері уақытша алып алған. Сол кезде телефонның жадында сақталған фотолар көшіріліп алынса керек. Өз кезегінде АҚШ Әділет министрлігінің өкілі Брайан Фэллон Facebook туралы бұл ақпарат жіті тексерілетінін айтты.
