Facebook Иллинойс штатының тұрғындарына 550 миллион доллар төлейтін болды 30 қаңтар 2020, 09:33
Facebook компаниясы Иллинойс штаты тұрғындарының адам тану технологиясын қолдану бойынша берген арызын қабылдап, оларға 550 миллион доллар төлеуге келісті, - деп хабарлайды РИА Новости.
Басылымның мәліметінше, бұдан бөлек Facebook компаниясы арыз берушілердің сот шығындарын төлеп беруге міндеттелді.
Компанияның қаржы директоры Дэвид Венер ұйымның мұндай шешімге бару себебі олар өз компаниясының және акционерлерінің мүддесін қорғап қалғысы келді дейді.
Еске салайық, 2015 жылы Иллинойс штатының тұрғындары Facebook компаниясына арызданған болатын. Тұрғындардың айтуынша, компания биометрлік мәліметтерді жинау мақсатында адам тану технологиясын қолдануға қатысты заңнаманы бұзған.