+7 (777) 001 44 99
Қазақша
Русский
English
Facebook желісіне көршілерінің "өсегін" жариялаған астаналық тергеуге алынды, - деп хабарлайды Tengrinews.kz тілшісі елордалық ІІД баспасөз қызметіне сілтеме жасап.
Баспасөз қызметінің мәліметінше, Астананың 41 жастағы тұрғыны "15 жастағы баланы біреулер аулада зорлапты" дегенді көршілерінен естіп, әлеуметтік желіге сол жөнінде ақпарат жариялаған. Қазір Астана полицейлері бұл дерекке қатысты сотқа дейінгі тергеу жүргізіп жатыр.
"Кәмелетке толмаған балаға зорлау әрекеті жасалды деген жалған ақпаратты Facebook желісіне жариялаған ер адамға қатысты дерек ҚР ҚК 274-бабы ("Көрінеу жалған ақпарат тарату") бойынша сотқа дейінгі тергеудің бірыңғай реестріне тіркелді. Бұл ақпарат Астана қалалық ІІД-де расталмаған және жалған ақпарат тарату қатаң бақылауға алынған", - дейді баспасөз қызметіндегілер.
