+7 (777) 001 44 99
Қазақша
Русский
English
Қазақша
Русский
English
Америкалық Microsoft компаниясы 2022 жылы кеңсе қосымшалары үшін стандарт қаріпті өзгертуді жоспарлап отырғанын мәлімдеді, - деп хабарлайды Tengrinews.kz тілшісі компания сайтына сілтеме жасап.
15 жыл бойы Microsoft Office-тегі стандарт қаріп Calibri болған, енді ол жаңасына өзгертілмек. Microsoft қолданушыларға жаңа қаріптің қандай болатынын өзіне шешуді ұсынды. Office-те 700-ден аса қаріп нұсқасы бар болғанымен, әзірлеушілер жаңа бес нұсқаны жасауға тапсырыс берді, олардың біреуі Calibri-ді алмастырады.
Бес жаңа қаріп дәстүрлі, заманауи, сонымен қатар неміс жолдары мен теміржол белгілерінен шабыт алған әртүрлі стильде жасалған.
We need to talk. What should our next default font be? pic.twitter.com/fV9thfdAr4
— Microsoft (@Microsoft) April 28, 2021
Эрин Маклафлин мен Вей Хуанг жасаған Тенорит - бес стиль ішіндегі дәстүрліге ең жақыны. Бұл Calibri-ге дейін стандарт қаріп болған Times New Roman-ның заманауи нұсқасына ұқсайды.
Microsoft.com
Skeena символдың қалың және жұқа бөліктері арасындағы үлкен айырмашылыққа назар аудара отырып жасалған.
Microsoft.com
Ал Bierstadt ХХ ғасырдың ортасындағы швейцариялық баспаханадан шабыт алған. Ода таңба сызбалары айқын және көп пайдаланушыға таныс Helvetica-ға ұқсас жерлері бар.
Microsoft.com
Тобиас Фрер-Джонс, Нина Стессингер және Фред Шеллкрасс жасаған Seaford барлық жаңа қаріптің ішіндегі ең танымалы болып көрінеді.
Microsoft.com
Дизайнерлер Grandview жасаған кезде немістердің жол және теміржол белгілерінен шабыт алған.
Microsoft.com
Бүгіннен бастап Microsoft осы бес жаңа қаріп туралы пікірлер жинай бастайды, олар Microsoft 365-тің соңғы жаңарған нұсқасында бар. Ішіндегі ең танымал болғанын 2022 жылы кеңсе жиынтығы үшін стандарт қаріп етеді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
