+7 (777) 001 44 99
Қазақша
Русский
English
Telegram өкілі Реми Вон WhatsApp бас директоры Уилл Кэткарттың мессенджерді пайдалану қауіптілігі туралы айыптауларына жауап берді, - деп хабарлайды Tengrinews.kz тілшісі GSMArena-ға сілтеме жасап.
Вон Кэткарт өзінің айыптауларында Wired басылымы материалына сілтеме жасағанын түсіндірді. Оның айтуынша, Wired мақаласында көптеген қате бар, сонымен қатар редакция Telegram-ның пікірлері мен жауаптарын елемеген, бұл өз кезегінде WhatsApp басшысын жаңылыстырған.
Ол Telegram серверлері ашық бастапқы код емес екенін атап өтті.
"Бұған дейін италиялық Удине университетінің командасы Telegram сөйлесулерін қорғау үшін пайдаланатын MTProto 2.0 протоколын сынақтан өткізген", - деді ол.
Сонымен қатар, Telegram Wired мақаласындағы тоғыз қатенің тізімін жасады.
"Мессенджер өкілі қолданбада пайдаланушының орналасқан жерін автоматты түрде бақылау жоқ деп сендірді. Алайда бұл пайдаланушы өзінің орналасқан жерін көпшілікке көрінетін етіп көрсеткен жағдайда ғана мүмкін болады, бұл пайдаланушылардың тек 0,01 пайызын құрады", - деп сендірді Вон.
Бұған дейін WhatsApp басшысы Уилл Кэткарт Telegram-ды қолданушылар үшін тиісті қауіпсіздік деңгейі жоқ деп айыптап, барлық қолданушыны бұл мессенджерден бас тартуға шақырған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
