+7 (777) 001 44 99
Қазақша
Русский
English
Қазақша
Русский
English
Tengrinews.kz жаңалықтар сайтына DDoS-шабуыл жасалды, - деп хабарлайды порталдың тілшісі Tengrinews.kz техникалық департаментіне сілтеме жасап.
"Бүгін сағат 09.00-ден бастап Tengrinews.kz сайты ресурстың серверлерінің жұмысына кедергі келтіруге бағытталған жаппай DDoS-шабуылға (Distributed Denial of Service, қызмет көрсетуден бас тартуға арналған) ұшырады. Қызмет көрсету журналының анализі Tengrinews.kz серверлердегі трафиктің негізгі дереккөзі зарарлы компьютерлер мен бүкіл әлемдегі серверлер екенін көрсетті, олардың қатарында Израильдің, Батыс Еуропа елдері: Францияның, Германияның, Италияның, Испанияның серверлері бар. Техникалық департамент пен "Қазақтелеком" АҚ ақпараттық жүйе дирекциясы қызметкерлерінің ортақ күшімен Қазақстаннан басқа жерде сайтқа кіруге уақытша шектеу қойылды", - делінген департаменттің мәлімдемесінде.
Сонымен қатар, Tengrinews.kz порталының ІТ-мамандары DDoS-шабуылдың бір мезетте шамамен 700 түрлі ІР-адрестен жасалатынын хабарлады. "Зақым келтіретін трафиктің көлемі секундына 3 гигабиттен асып түсті", - деді департамент мамандары.
Шабуылдар тоқтатылғаннан кейін сайтқа кіруге қойылған шектеулер толықтай алып тасталды және қазір штаттық режимде жұмыс істеп тұр. Айта кетейік, бұл - Қазақстанның жаңалық ресурстарына жасалған ең ірі шабуыл.
