+7 (777) 001 44 99
Қазақша
Русский
English
Қазақша
Русский
English
Twitter өз қолданушыларына бұрынғы сүйіктілерінің интимдік суреттері мен видеоларын жариялауға тыйым салды. Бұл туралы микроблог сервисін қолданудың жаңа ережесінде айтылады, - деп хабарлайды Lenta.ru.
Атап айтқанда, Twitter "Құпия ақпарат" пункті мен "Адамның абыройына нұқсан келтіруге қатысты саясат" тарауын өзгертті. Бұл бөлімдерге мына талап қосылған: "Егер жарияланған немесе таралған видео мен суретте бейнеленген адамның келісімі болмаса, әрі жарияланым интимдік сипатта болса, оны жариялауға тыйым салынады".
Микроблог қолданушылары ережелерді сақтамаса, аккаунттары құлыпталатын болады. Мұнымен қатар, компания жиі қойылатын сұрақтарға арналған жаңа бөлім ашты, онда бұл мәселенің қалай реттелетіні айтылған. Жауаптардың ішінде, мәселен, Twitter қолданушылардан олардың суретінің келісімсіз жарияланған жағдайы болды ма, жоқ па - осыны сұрайтын болатыны айтылған. Егер ереженің бұзылғаны анықталса, ереже бұзушының аккаунты тыйым салынған контент өшірілмейінше құлыпқа түсіп отырады. Сонымен қатар, біреудің абыройын төгетін мәлімет өшіріліп отырады. Микроблогтың ағылшын тіліндегі нұсқасына бұл өзгерістер 11 наурызда енгізілді.
