+7 (777) 001 44 99
Қазақша
Русский
English
Vimeo интернет-ресурсы Қазақстанда қайта іске қосылды, - деп хабарлайды Тengrinews.kz тілшісі ҚР Инвестициялар және даму министрлігінің Байланыс, ақпараттандыру және ақпарат комитетіне сілтеме жасап.
Ведомствоның мәліметінше, vimeo.com сайтының әкімшілігі Қазақстан Республикасының заңына қайшы келетін материалдарды өшірген. Осыған байланысты, 14 қазанда vimeo.com сайтының қазақстандық қолданушылары үшін ресурсқа кіру мүмкіндігі қайта қалпына келтірілді.
Еске сала кетейік, Комитет мониторинг барысында vimeo.com интернет-ресурсынан терроризм мен экстремизм идеяларын насихаттайтын бірнеше видеоматериал анықтаған болатын. Яғни, сайтта ДАИШ террорлық ұйымы таратқан видеолар бар болып шықты.
ДАИШ туралы видеода лаңкестердің кепілге түскен адамдарды жауыздықпен өлтіргендері бейнеленген. Астана Есіл аудандық сотының шешімімен 2015 жылдың 7 қыркүйегінде vimeo.com сайтына Қазақстан аумағында бұғатталды.
