WhatsApp ескі iPhone-дарда жұмысын тоқтатпақ

Facebook құрамындағы танымал WhatsApp мессенджерінің командасы ескі iPhone-дарды қолдауды тоқтатуға дайындалып жатыр, - деп хабарлайды Tengrinews.kz тілшісі Ixbt.com сайтына сілтеме жасап.

WhatsApp-тың IOS-қа арналған жаңа бета-нұсқасында iOS 9 операциялық жүйесіне қолдау жоқ. WhatsApp тарапынан осындай өзгеріс 2020 жылдың ақпанында болғанын атап өткен жөн. Содан кейін WhatsApp қосымшасы Android операциялық жүйесінің 2.3.7 және iOS 8, сондай-ақ, олардан да ескі нұсқаларымен смартфондағы жұмысын тоқтатқан болатын.

WhatsApp-та әзірге жаңа шектеулер пайда болған жоқ. Ал iOS 9-ды қолдауын тоқтату туралы шешім кейінірек ресми түрде жариялануы керек. WhatsApp сайтындағы анықтамада қазір Android 4.0.3 және одан жаңа нұсқалар, iOS 9-дан жаңа, KaiOS 2.5.1 және одан жаңа нұсқалар жұмыс істеп тұрғаны жазылған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!