ZOOM-дағы порно: Telegram-да оқушылардың сабағына қатысты мәліметтер тарап жатыр

Қазақстанда ZOOM-дағы сабақтар туралы деректерді сілтемелермен және құпиясөздермен жіберетін Telegram-арна пайда болды. Бұл туралы қазақстандық белсенді Павел Александров айтты, - деп хабарлайды Tengrinews.kz тілшісі.

Қазақстанда ZOOM-дағы сабақтар туралы деректерді сілтемелермен және құпиясөздермен жіберетін Telegram-арна пайда болды. Бұл туралы қазақстандық белсенді Павел Александров айтты, - деп хабарлайды Tengrinews.kz тілшісі.

"Мамандандырылған қауіпсіз платформалардың орнына тегін Zoom және WhatsApp таңдалды. Сандық платформаларды дамытуға жұмсалған ақша қайда кетті? Енді Telegram арнасында мыңдаған жазылушысы бар ондаған топ бар, онда сабақтар туралы мәліметтер, соның ішінде құпиясөздер, сілтемелер, оқушылардың аты-жөні жіберіліп жатыр. Кез келген адам сабақтың ортасында біздің балаларымызға порно қосып, сабаққа қосыла алады,"- деп жазды Павел Александров Facebook желісіндегі парақшасында.

Айта кетейік, чатта Қазақстан мен Ресейден үш мыңға жуық қатысушы бар. Олар бір-біріне белсенді түрде хат жазып жатыр.

Павел Александров бұл арнаны қалай тапқанын айтып берді.

"Мен бұл туралы Facebook-тен білдім. Балалар бізден бұрын біледі, ақпарат бәріне қолжетімді болды. Ал мұның салдары өте жаман. Біріншіден, балалар ұятсыз видеоларды көре алатын болды. Педофилдер мен зорлаушылар Білім министрлігінің ресми платформасын қолдана отырып, қажетті ақпаратты ала алады. Яғни, осы арнаға кіріп, содан кейін сабаққа Zoom арқылы кіріп, оқушының аты-жөнін, фотосуретін қарап, мекенжайын білуге болады. Миллиондаған оқушыға қазір қауіп төніп тұр", - деді ол.

Еске салайық, мұның алдында Нұр-Сұлтанда онлайн сабақта оқушыларға порно көрсетілгені хабарланған еді.

Қазақстан жаңалықтары. Соңғы жаңалықтар. Telegram желісінде бізге жазыл!

Интернет Балалар