+7 (777) 001 44 99
Қазақша
Русский
English
Осы жылдың 1 желтоқсанынан бастап жаңа жеке куәліктер беріледі, - деп хабарлайды Tengrinews.kz тілшісі Ішкі істер министрі Қалмұханбет Қасымовқа сілтеме жасап.
"Куәліктер бойынша. Құрметті депутаттар, сіздер біздің куәліктердегі фотосуреттердің күңгірттігі мен түссіздігі жөнінде ескерту жасадыңыздар. Біз бір жыл бойы бұл мәселе бойынша жұмыс істедік: жаңа жабдықтар қажет болса - сатып алдық, түзету қажет болған жерлерге өзгеріс енгізіп, жаңа жеке куәліктерді жасап шығардық. Ол осы жылдың 1 желтоқсанынан бастап берілетін болады. Бағасы өзгермейді. Түсті фотография болады, онымен қоймай, голографиялық фотосурет, яғни куәлік қорғанышының жоғарғы формасы болады", - деді Қасымов Парламент Мәжілісіндегі Үкімет сағатында.
"Жеке куәліктен еліміздің туы, елтаңбасы мен картасы лайықты орын алды. Біз куәліктің сыртқы көрінісін барлық мемлекеттік органмен бірге талқыладық, 1 желтоқсаннан бастап, азаматтарымыздың түрлі-түсті фотосуреті бар жаңа куәліктер берілетін болады", - деді Қасымов.
