+7 (777) 001 44 99
Қазақша
Русский
English
Ақпанның 10-12-сі күндері солтүстікте қар жауып, боран соғады, - деп хабарлайды Tengrinews.kz тілшісі "Қазгидромет" кәсіпорнына сілтеме жасап. Синоптиктердің болжамы бойынша Қазақстан аумағында демалыс күндері байқалған жылымық Сібірге қарай жылжиды.
"Жылы күндердің орнына Ресейдің Еуропа аумағының солтүстік аймақтарынан суық атмосфералық фронттармен байланысты циклон ауысады. Соның әсерінен республиканың солтүстік бөлігінде қар жауып, боран соғады. Сонымен қатар, желдің жылдамдығы секундына 15-25 метрге дейін артады, ауа температурасы төмендейді", - делінген хабарламада.
Синоптиктердің мәліметінше, бұл күндері Қазақстанның оңтүстік және шығыс облыстары оңтүстік циклон ықпалында болады, сондықтан бұл өңірлерде дымқыл қар жауып, тұман түседі. Сонымен қатар, көктайғақ болуы ықтимал. Ал шығыста ауа температурасы төмендейді, қар жауып, боран соғады. Бірақ ауа райы көпжылдық нормадан жоғары болады деген болжам бар.
Еске сала кетейік, бұған дейін метеорологтер 7-9 ақпан аралығында күннің жыли түсетінін хабарлаған болатын. "7-9 ақпан күндері республиканың барлық аумағында күндіз жылымық болады, оңтүстікте ауа температурасы 2-10 градусқа дейін жоғарылайды. "Мұндай температура климат нормасынан 3-8 градусқа жоғары болады", - деп хабарлады "Қазгидромет" мамандары.
