+7 (777) 001 44 99
Қазақша
Русский
English
Қазақстанда қылмыс жасаған күдікті Біріккен Араб Әмірліктерінен қайтарылды, - деп хабарлайды Tengrinews.kz тілшісі Бас прокуратура мәліметіне сілтеме жасап.
Бас прокуратура мен ІІМ қызметкерлері Біріккен Араб Әмірліктеріндегі Қазақстан елшілігінің көмегімен Дубайдан бұзақылық ниетпен жәбірленушінің денсаулығына орташа ауырлықтағы зиян келтірген күдіктіні қайтарды.
"Ол 2012 жылдың 25 наурызында Теміртауда бұзақылық ниетпен жәбірленушіге себепсіз бірнеше рет дене жарақатын салып, екі жерінен жақ сүйегін сындырды деген күдікке ілінді.
Қылмыс жасағаннан кейін күдікті қашып кетіп, 12 жылдан кейін Біріккен Араб Әмірліктерінің аумағында анықталды", - делінген хабарламада.
Қазіргі уақытта күдікті қылмыстық жауаптылыққа тарту үшін Қазақстан полициясына тапсырылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
