+7 (777) 001 44 99
ПОДЕЛИТЬСЯ
122 қазақстандық пен олардың отбасы мүшелеріне Газа секторынан Мысыр арқылы шығуға рұқсат етіледі, - деп хабарлайды Tengrinews.kz тілшісі Газа секторының шекара өткелдері мен шекаралары бас басқармасына сілтеме жасап.
122 қазақстандық пен олардың отбасы мүшелеріне Газа секторынан Мысыр арқылы шығуға рұқсат етіледі, - деп хабарлайды Tengrinews.kz тілшісі Газа секторының шекара өткелдері мен шекаралары бас басқармасына сілтеме жасап.
Газа секторының шекара өткелдері мен шекаралары бас басқармасы бүгін, 14 қарашада Газа секторынан Мысырға қарай Рафах бақылау-өткізу бекетінен өтуге рұқсат етілген шетелдік азаматтардың тізімін жариялады.
Тізім бойынша "Қазақстан" бағанында 122 адам бар. Олардың ішінде 65 Қазақстан азаматы, қалғандары Палестина азаматтығын алған отбасы мүшелері.
Тізімде көрсетілген тұлғалар тиісті рәсімдерді жақсы аяқтау үшін жергілікті уақыт бойынша сағат 7:00-де (Астана уақытымен 10:00) сыртқы өткел залында Рафах бақылау-өткізу пунктінде болуы керек екені атап өтілді.
14 қарашада Газа секторынан қазақстандықтармен бірге Солтүстік Македония, Финляндия, Иордания, Ұлыбритания, Испания, Румыния, Германия, Ресей, Швеция, АҚШ және Дания азаматтары да шығады.
Айта кетейік, эвакуацияланған қазақстандықтардың саны Газа секторындағы жағдайға байланысты өзгеруі мүмкін.
Бір күн бұрын Сыртқы істер министрлігі 44 Қазақстан азаматының бірінші тобын эвакуациялау жоспарланып отырғанын, содан кейін олар Каирге жеткізілетінін, содан кейін қажетті құжаттар тексерілгеннен кейін Қазақстанға жөнелтілетінін хабарлады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
