+7 (777) 001 44 99
Қазақша
Русский
English
Қазанның 14-16-ы күндері Қазақстанда күн жылы, әрі құрғақ болады, - деп хабарлайды Tengrinews.kz тілшісі "Қазгидромет" РМК-на сілтеме жасап.
Еліміздің көп бөлігі антициклонның ықпалында болады деген болжам бар. Жылы ауа райы өз кезегінде күннің құрғақ, әрі ауа температурасының нормадан 3-5 градусқа жоғары болуына әсер етпек. Алайда еліміздің солтүстік аймақтарында ауа температурасы салқын болып қала бермек. Оған Ресейдің еуропалық бөлігінен келгелі отырған салқын ауа райының ықпалы болмақ. Бұл өңірлерде жауын жауып, жел тұрады.
Бұған дейін синоптиктер қазанның алғашқы жартысында ауа температурасының нормадан ауытқымайтынын, әрі жылы болатынын мәлімдеген еді. Ал еліміздің барлық аумағында жауын-шашын мөлшері нормадан төмен болады. Бірақ бұл күндері салқын ауа райы сақталып, бірқатар облыста қар жауды. Қазанның 10-ынан кейін барып, күн қайта жылына бастады. Синоптиктер айдың ортасында қайтадан қар аралас жаңбыр жауып, күн суытатынын болжады.
