17 жастағы Асылжан Нұралина "Атырау аруы - 2019" болды

Камила Долаева Журналист

Мұнай астанасының бірінші сұлуы 17 жастағы Асылжан Нұралина болды, - деп хабарлайды Tengrinews.kz тілшісі "Прикаспийская коммуна" сайтына сілтеме жасап.

Мұнай астанасының бірінші сұлуы 17 жастағы Асылжан Нұралина болды, - деп хабарлайды Tengrinews.kz тілшісі "Прикаспийская коммуна" сайтына сілтеме жасап.

Байқау бес кезеңнен тұрды. Ол 5 сағатқа созылды. 18 қыз әсемдік, ақыл және актерлік шеберліктерін көрсетті.

Байқауға қатысушылардың көбі кәсіби хореографтар екен. Сондықтан би көп болды. Асылжан Нұралина өзбек биімен көрерменді тәнті етті. Әсем Заленова Шакираның биін дәлме-дәл қайалап берді. Оны бала кезінден Шакира деп атайды екен. Әсемгүл Нұрбаева құммен тәж киген қыздың бейнесін салды. Ал көшеде ұрлықшыдан қорғануды Жұлдыз Талибеденова үйретті. Спортшы қыз джиу-джитсу бойынша өзін-өзі қорғау тәсілдерін көрсетті.

Қазылар алқасының шешімі бойынша "Атырау аруы - 2019" 17 жастағы Асылжан Нұралина болды. Ол М. Бекмұхамбетов атындағы қалалық орта мектептің 11-сынып оқушысы.

"Мен бала кезімнен ару атануды армандадым. Көп жұмыс істедім, би үйірмесіне бардым, қазір өзімнің тобым бар. Жеңіс менің қолымда болатынына сенімді болдым", - дейді Асылжан.

Байқау жеңімпазы көрермендерді ерекше шығыс әсемдігімен таңғалдырды. Сыйлыққа ол белгілі дизайнерлерден бірнеше көйлек, сұлулық салонына жылдық абонемент және Германияға жолдама алды.