+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жамбыл облысы Мерке ауылында 18 жастағы цирк әртісі Мария Кацунның жерлеу рәсімі өтті, - деп хабарлайды Tengrinews.kz тілшісі.
Жамбыл облысы Мерке ауылында 18 жастағы цирк әртісі Мария Кацунның жерлеу рәсімі өтті, - деп хабарлайды Tengrinews.kz тілшісі.
Марияны ақтық сапарға туыстары, әріптестері, мұғалімдері, сыныптастары мен достары шығарып салған. Қызбен жақын қарым-қатынаста болғандар оның өз-өзіне қол жұмсағанына сенбейді.
"Біз Машамен өте жақын едік, ол маған бәрін айтып беретін, әпке дейтін. Ол тамыздың ортасында Алматыға келді, біз көрістік. Ол екі жас үлкен Слава есімді ер адаммен кездесіп жүргенін, ол да "Шапито" циркінен екенін айтты. Біз бірге болған кезде жігіт оған қоңырау шалып, қайда, кіммен екенін өте дөрекі сұрады. Мен оған бұлай сөйлесуге болмайтынын айттым. Ол онымен айырылысатын ниетпен кетті", - дейді қайтыс болған қыздың достарының бірі Назым Абаева.
Сондай-ақ, қыздың айтуынша, ер адам Марияны ұрып-соққан.
"17 тамызда Маша жігіт ұрғанын жазды. Ол жігіт өзін тұншықтырғысы келгенін және одан қорқатынын айтты. Онымен бірге әкем жұмыс істейді, мен Машаға менің әкеме не болғанын айтуды ұсындым. Ол қаламады. Бірақ ол Славадан қорқатын. Гастрольдік сапар кезінде Мария фурада тұрды. Дәл сол жерден өлі табылды. Слава тапты. Ол жүк көлігіне қамалып, асылып қалған болып шықты. Біз оны отырған күйде таптық. Цирк қызметкерлерінің айтуынша, бұған дейін ол қандай да бір себептермен форма мен реквизит әкелуді өтінген. Демек ол жаттығу жасағысы келген. Егер ол асылып өлгісі келсе, форманың не керегі болды?" - дейді Назым.
Мария қайтыс болған күні Назым оған WhatsApp-та хабарлама жазған. Хабарлама 17:30-да, қыз қайтыс болған кезде жіберілген. Бірақ қыздың досының сөзінше, хабарламаны біреу оқыған.
Марияның цирк қызметкері тарапынан зорлық-зомбылыққа ұшырағаны туралы қыздың басқа достары да айтты. Олар мұқият тергеуді және қылмыстық іс бойынша "суицид" сөзін алып тастауды талап етіп отыр.
9 қарашада Марияны жерлегеннен кейін "Шапито" циркінің Instagram-дағы ресми парақшасында некролог жазба пайда болған. Онда цирк ұжымы Марияның туыстарына көңіл айтып, қылмыстық іс бойынша тергеу аяқталғанын мәлімдеген.
Айта кетейік, "Шапито" циркінің әртісі Мария Кацун Сәтбаевта жұмбақ жағдайда қайтыс болған еді. Сәтбаев полицейлері қыздың өлімін ҚР Қылмыстық кодексінің 105-бабы "Өзін-өзі өлтіруге дейін жеткізу" бойынша тергеп жатыр. Мария циркпен бірге Ұлытау облысына гастрольдік сапармен барған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
