+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Құрлық әскерлері Әскери институтының десанттық-шабылдауылшы бөлімшелерін және барлау бөлімшелерін басқару мамандығы бойынша білім алып жатқан бірінші курс курсанттары МИ-17 тікұшағынан өздерінің алғашқы парашютпен секірулерін орындады, - деп хабарлайды Тengrinews.kz тілшісі Құрлық әскерлері Әскери институтының баспасөз қызметіне сілтеме жасап.
Құрлық әскерлері Әскери институтының десанттық-шабылдауылшы бөлімшелерін және барлау бөлімшелерін басқару мамандығы бойынша білім алып жатқан бірінші курс курсанттары МИ-17 тікұшағынан өздерінің алғашқы парашютпен секірулерін орындады, - деп хабарлайды Тengrinews.kz тілшісі Құрлық әскерлері Әскери институтының баспасөз қызметіне сілтеме жасап.
"Курсанттар әуеге алғаш көтерілер алдында олармен теориялық және жер үсті даярлығы өткізілді. Болашақ офицерлер Құрлық әскерлері Әскери институтының әскери және арнай барлау кафедрасының тәжірибелі оқытушыларының жетекшілігімен парашют жүйелерінің тактикалық-техникалық сипаттамаларын, күмбездің ашылуына дейінгі және ашылғаннан кейінгі парашютшілердің іс-қимылдарын үйретті, жерге қону тәртібін пысықтады. Сынақ тапсырғаннан кейін ғана курсанттар секіруге рұқсат алды", - дейді 3 рота командирі аға лейтенант Казбек Исмаилов.
Бұл жолы курсанттар бірінші рет қарусыз және жол дорбасыз секірді. Болашақта қарумен және толық жабдықтарымен курсанттар түнде, күрделі жергілікті жер жағдайында немесе суға секіретін болады.
Курсанттармен бірге тікұшақтан 1 батальон 3 рота басқармасы бірге парашютпен секірді.
1 батальон 3 рота командирінің тәрбие және идеологиялық жұмыстар жөніндегі орынбасары аға лейтенант Еркебұлан Нарынбаевтың айтуынша: "Курсанттар өздерімен бірге бір тікұшақта парашютпен секіруге дайын командирлерін көрген кезде олардың моральдық-психологиялық жағдайы айтарлықтай нығайып, жауапкершілігі артады, өз күштеріне деген сенімі нығаяды".
Десанттау сәтті өткенін, барлық курсанттар қойылған тапсырмаларды ойдағыдай орындағандарын айта кеткен жөн.
Отан қорғау ісін өздерінің басты мамандықтары деп білетін десантшы курсанттар алдағы уақытта талай белесті бағындырары сөзсіз.
Суреттер курсанттардың жеке мұрағатынан
