37 ардагер мерекелік медальмен марапатталды

17 Ақпан 2014, 14:09
0
37 ардагер мерекелік медальмен марапатталды - Марапаттау сәті. ©Ербақыт Амантай
Марапаттау сәті. ©Ербақыт Амантай
Солтүстік Қазақстан облысында тұратын 37 ардагері ауған соғысының "Әскери қақтығыстардың аяқталуына 25 жыл" мерекелік медалімен марапатталды, деп хабарлайды Tengrinews.kz тілшісі. Сондай-ақ, ардагерлер мен қаза болған жауынгерлердің отбасына 15 айлық есептік көрсеткіш көлемінде әлеуметтік көмек берілді.

Қазіргі уақытта Солтүстік Қазақстан облысында 798 ауған соғысының ардагері бар. Ал жалпы Ауғанстандағы соғысқа барлығы 22 мың қазақстандық қатысып, 762 жауынгер майданнан оралмаған. Биыл ақпанның 15-і күні Кеңес әскерінің ауған жерінен шығарылғанына 25 жыл толды.

Осы күнге орай Петропавлдағы Н.Погодин атындағы театрда салтанатты жиын өтті. "Ауғанстан: біздің естелігіміз бен жан күйзелісіміз" деген тақырыппен ұйымдастырылған көрмеге жерлес интернационалист жауынгерлердің фотосуреттері, құжаттары, жауынгерлік киімдері, ауған жауынгерлерінің жеке заттары мен хаттары қойылған.

"Біздің ендігі міндетіміз – жастарды отансүйгіштікке тәрбиелеу. Бұдан кейін соғыс болмасын, біз соғысқа қатысқан соңғы ардагерлер болайық", - деді tengrinews.kz тілшісіне берген сұхбатында Ақжар аудандық Ауған соғысы ардагерлері одағының төрағасы Қабылқақ Оразов.

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай