+7 (777) 001 44 99
Қазақша
Русский
English
Ұлттық қауіпсіздік комитеті жыл басынан бері есірткінің заңсыз айналымына қарсы іс-қимыл бойынша 50-ден астам операция жүргізді, - деп хабарлайды Tengrinews.kz тілшісі.
2024 жылдың бірінші тоқсанында Ұлттық қауіпсіздік комитеті есірткінің заңсыз айналымына қарсы іс-қимыл бойынша 53 операция, оның ішінде 16-ын шет мемлекеттердің мүдделі құзыретті органдарымен бірлесе жүргізген.
Іс-шаралар қорытындысы бойынша 18 халықаралық және 9 өңірлік есірткі жеткізу арналары, сондай-ақ 10 жасырын есірткі зертханасының қызметі жойылды. Жалпы айналымнан 800 келіден астам есірткі құралдары мен психотроптық заттар, 4 тонна көкнәр сабанының шикізаты және синтетикалық есірткі жасау үшін пайдаланылатын 10 тоннадан астам химиялық реагенттер тәркіленді.
"Алынған есірткі құны "қара нарықта" 5 миллиард теңгеден аса бағаланады, ал айналымға жіберілмеген көлем шамамен 4 миллион бір реттік дозаға тең. ҰҚК халықаралық есірткі айналымына қатысы бар деген күдік бойынша 72 Қазақстан азаматы мен шетелдікке қатысты соталды тергеп тексеру жүргізіп жатыр", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
