1. Басты
  2. Біл
  3. Жаңалықтар
  4. Ел жаңалықтары

7 мамыр күнгі әскери шеруді TengrinewsTV тікелей көрсетеді06 мамыр 2014, 15:56

©Mod.gov.kz ©Mod.gov.kz

7 мамыр күні болатын әскери шеруді TengrinewsTV мен 24.KZ телеарнасы онлайн көрсетеді, - деп хабарлайды Tengrinews.kz тілшісі. 

Онлайн-трансляция ҚР Байланыс және ақпарат агенттігінің қолдауымен іске асырылады. Отан қорғаушы күніне арналған шеру Астанадағы "Қазақ елі" алаңында өтеді. Трансляция сағат 11.40-та басталады деп жоспарланып отыр.

Шараға Қорғаныс, Ішкі істер, Төтенше жағдайлар министрліктері мен ҰҚК Шекара қызметінің және Республикалық ұланның шерулік топтары қатысады. Сонымен бірге, шеруде аталған министрліктердің әскери техникасы мен авиациясы көрсетіледі. Барлығы 250 техника шығарылады, сондай-ақ 56 ұшу аппараты бар. Жаяулар колоннасының салтанатты маршына 2000 әскери қызметші жұмылдырылған, оның 1500-і - ҚР Қарулы Күштерінің жеке құрамынан.