Денсаулық сақтау министрі Елжан Біртанов коронавирус жұқтырған 18 қазақстандықтың ауыр жағдайда жатқанын айтты, - деп хабарлайды Tengrinews.kz тілшісі.
Бүгінде Қазақстанда 138 адам індеттен айыққан.
"Бүгінде 939 науқас стационарлық ем алып жатыр, олардың 57-сі балалар. 82 пайызының жағдайы тұрақты, 770 науқастың жағдайы жеңіл деңгейді. 151 науқастың жағдайы орташа ауыр, бұл 16 пайызында деген сөз. 18 науқас ауыр жағдайда жатыр. 8 науқас тыныс алдыру аппаратына қосылған", - деді министр үкімет отырысында.
Айта кетейік, бүгінде Қазақстанда коронавирус жұқтырғандардың саны 1091-ге жетті, ал қайтыс болғандардың саны - 14.
Қазақстан жаңалықтары. Соңғы жаңалықтар. Telegram желісінде бізге жазыл!