+7 (777) 001 44 99
Қазақша
Русский
English
Алматыда бір ай ішінде Абай көшесіндегі қоғамдық көліктерге арналған жолаққа автомобиль қойғандары үшін 80 жүргізушіге айыппұл салынды, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
"Бір айда арнайы жолақта полицейлер 771 заңбұзушылықты анықтады. Олардың көбі Абай көшесінің бойындағы арнайы жолақта жолаушы мінгізу, түсіру, сонымен қатар жеке автомобильдердің осы жолақпен жүруі. 78 жүргізушіге көлігін жол бойына қойғаны үшін айыппұл салынды", - деп жазылған хабарламада.
Еске сала кетейік, Алматы әкімдігі Абай көшесіндегі жолақ пайда болғаннан бері қоғамдық көліктерге отыратындар саны 17-19 пайызға өскені хабарлаған болатын. Ол Абай көшесінің Момышұлы мен Достық даңғылы аралығында пайда болды. 2015 жылдың 15 маусымынан бері арнайы жолақпен жүрген жеңіл автокөлік жүргізушілеріне айыппұл салына бастады. Айыппұл көлемі 5-10 АЕК көлемінде, яғни сәйкесінше 10-20 мың теңге аралығында.
