+7 (777) 001 44 99
Қазақша
Русский
English
Абай облысының аумағындағы өртті сөндіруге өрт сөндіру пойызы мен тікұшақ жұмылдырылды, - деп хабарлайды Tengrinews.kz тілшісі.
Бұған дейін Абай облысы орман шаруашылығы аумағында ірі өрттің сөндірілгені хабарланған болатын. Алтай аймағынан басталған өрт "Семей орманы" мемлекеттік табиғи қорығы аумағына ауысқан.
2023 жылғы 22 мамырда Семей станциясының өрт сөндіру пойызы Абай облысының Ауыл станциясына жіберілді. Пойыз Төтенше жағдайлар департаментінің 20-дан астам өрт сөндіру машинасын жабдықтады. Теміржолшылар 180 тоннадан астам су жеткізді.
"Өрт Ауыл станциясынан жеті шақырым жердегі Бородулиха ауданында шықты. Өрт пойыздар қозғалысына әсер етпеді және теміржол инфрақұрылымы объектілеріне де қауіп төнген жоқ", – делінген "Қазақстан темір жолы" ҰК" АҚ баспасөз қызметі таратқан хабарламада.
Семей және Семей жол бөлімшесінің Защита станцияларында өрт қауіпті кезеңдегі қауіпсіздік мәселелері бойынша жедел штабтар құрылды.
23 мамыр күні таңғы сағат 9-дағы жағдай бойынша өртті сөндіруге 220-дан астам адам мен 71 техника жұмылдырылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
