+7 (777) 001 44 99
Қазақша
Русский
English
Президент Нұрсұлтан Назарбаев Қазақстан халқы Ассамблеясының "Мәңгілік Ел: бір ел - бір тағдыр" тақырыбымен басталған ХХІІ сессиясының ашылу салтанатында жалпықазақстандық мәдениеттің арнайы жоспар-презентациясын жасауды тапсырды, - деп хабарлайды Tengrinews.kz тілшісі.
Мемлекет басшысы EXPO-2017 қарсаңында ҚР Мәдениет және спорт министрлігінің жалпықазақстандық мәдениеттің арнайы жоспар-презентациясын жасауы керек екенін айтты. "Біз жаңа елміз және келушілердің біздің республикамыздың қандай ел екенін, табиғаты қандай екенін және мәдениеті туралы білгісі келуі қалыпты жағдай. (...) Голливудтың барлық туындысы - бұл идеология емес пе? Бұл олардың мәдениеті", - деді Назарбаев.
Сонымен бірге, Президент өскелең ұрпаққа патриоттық тәрбие беруге ерекше назар аудару керек екенін атап өтті. "Бұған білім беру, тәрбиелеу, мәдениет, БАҚ салаларының біріккен күші жұмсалуы қажет. Адамдар талғамсыздықтан, полицейлер туралы қызықсыз сериалдардан, криминалдан шаршады. Көңіл көтеру сұранысы - адамның көңіл қылын шерту, адам инстингтін тербеу. Мұнда біздің зиялыларымыздың ролі басым. Олар жаңа туындыны жасауы керек, адамдар киноны, театрды күтеді", - деді Мемлекет басшысы.
Осыған байланысты ол Мәдениет және спорт министрлігіне, Инвестиция және даму жөніндегі министрлікке БАҚ пен Интернетте ҚХА-мен бірге арнайы жобаны іске асыру туралы сәйкес тапсырма берді.
