+7 (777) 001 44 99
Қазақша
Русский
English
Әсел Мұқажанова AIX басқармасы төрағасының міндетін атқарушы болып тағайындалды, - деп хабарлайды Tengrinews.kz тілшісі.
"Astana International Exchange 2023 жылдың 16 қаңтарынан бастап Әсел Мұқажанованың AIX басқарма төрағасының міндетін атқарушы болып тағайындалғанын қуана хабарлайды", - делінген хабарламада.
Астана халықаралық қаржы орталығының ресми сайтының мәліметінше, Әсел Мұқажанова AIX биржасында 2017 жылдан бастап эмитенттермен байланыс жөніндегі менеджер, ал 2022 жылғы қазан айынан бастап AIX-те нарықтарды және өнімдерді дамыту жөніндегі басқарушы директор болып жұмыс істеді. Қазіргі тағайындауға дейін бөлшек сауда инвесторлары қорын дамыту, тау-кен секторы, эмитенттермен жұмыс, "Белдеу және жол" сегменті, сондай-ақ жаңа өнімдерді дамыту бағыттарына жетекшілік етті.
Қазақ басқару академиясын бітіріп, Лондон және Гарвард бизнес-мектептерінде басшыларға арналған дәрістен өткен ол еңбек жолын "Тұран" банкінің валюталық операциялар бөлімшесінде бастаған. Қаржы және банк қызметтері саласында 25 жылдан астам жұмыс тәжірибесі бар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
