+7 (777) 001 44 99
Қазақша
Русский
English
Ақкөлде лаңкестікке қарсы оқу-жаттығулар өтіп жатыр. Бұл туралы Ақмола облысы әкімдігінің баспасөз қызметі хабарлады, - деп хабарлайды Tengrinews.kz тілшісі.
Оқырмандар Tengrinews.kz сайтының Telegram-ботына Ақкөлдегі мектеп аумағында жүрген "қарулы" адамдардың видеосын жіберді. Ақпаратқа қатысты өңір әкімдігі пікір білдірді.
"9 тамызда Ақкөл қаласында облыстық жедел штаб лаңкестікке қарсы оқу-жаттығулар өткізіп жатыр. Осыған байланысты тұрғындардан сабыр сақтап, қауіпсіздік шараларын сақтауды және оқу-жаттығуларға тартылған құқық қорғау органдары қызметкерлерінің заңды талаптарын орындауды сұраймыз", - деді баспасөз қызметіндегілер.
Жаттығу кезінде көліктер қозғалысы ішінара шектелетіні айтылды.
"Жүргізіліп жатқан іс-шараларға және уақытша қолайсыздықтарға түсінікпен қарауды сұраймыз. Сондай-ақ, тұрғындардың назарына 5 шілдедегі ӘҚБтК-нің 443-бабына сәйкес, қоғамдық тәртіпті қамтамасыз етуге қатысушы тұлғаның заңды талабына бағынбау әкімшілік жауапкершілікке әкеп соғатынын еске саламыз", - деп түсіндірді әкімдіктегілер.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
