+7 (777) 001 44 99
Қазақша
Русский
English
Қазақша
Русский
English
Қарағанды облысының әкімі Жеңіс Қасымбек "АрселорМиттал Теміртау" цехындағы төрт жұмысшысының қазасы туралы айтып, оқиғаны Абай кенішіндегі қайғылы оқиғамен салыстырды, - деп хабарлайды Tengrinews.kz тілшісі.
"Нақтырақ оқиғаға қатысты. Алдын ала айта аламын, былтыр Өнеркәсіптік қауіпсіздік департаменті бұл ғимаратқа тексеру жүргізді. Оны жұмыс мақсатында пайдаланбау туралы ұйғарым бар еді. Барлық қауіпсіздік ережелерін (ҚЕ -еск.) сақтай отырып, жөндеу жұмыстарын жүргізу керек болатын.
"АрселорМиттал Теміртау" компаниясының еншілес кәсіпорны "Құрылысмет" компаниясы жүргізген жөндеу жұмыстары осындай қайғылы жағдайға әкелді. Бүгінде оның сапасы мен қауіпсіздік талаптарына сәйкестігі тексеріліп жатыр. Арселордың екі қызметкері, соның ішінде осы еншілес компанияның басшысы қамауға алынды. Бұл мәселе бойынша біз екі апта немесе ай сайын брифинг өткізіп, өзекті ақпарат беруге дайынбыз", - деді Қасымбек Орталық коммуникациялар қызметіндегі брифингте.
Ол кәсіпорындағы өнеркәсіптік қауіпсіздікті қамтамасыз етуде проблема барын мойындады.
"Абай кенішіндегі былтырғы қайғылы оқиға есімізде. Әрине, табиғи және техногендік мәселелер болды, бірақ қауіпсіздік ережелерін сақтауға қатысты мәселелер де болды. Мемлекеттік органдар бұл мәселелерді үнемі бақылауда ұстайды, бірақ зауыттың 60 жылдан астам уақыт бұрын салынғанын мойындау керек, көп қондырғылар мен активтер мүмкіндігінше, тезірек қосымша жөндеуді қажет етеді", - деді Қасымбек.
Оның айтуынша, "АрселорМиттал" жабдықты жаңартуға екі еседен астам инвестиция салуға келісті - 80-нен 190 миллиард теңгеге дейін.
Еске салайық, 10 маусымда "АрселорМиттал Теміртау" цехында төрт жұмысшы қаза тапқан болатын. Бір адам жарақат алып, ауруханаға жеткізілді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
