+7 (777) 001 44 99
Қазақша
Русский
English
Ақмола облысы Семфирополь ауылдық округының әкімі пара алу үстінде ұсталды, деп хабарлайды Tengrinews.kz тілшісі қаржы полициясының облыстық департаментіне сілтеме жасап.
Ресми ақпаратқа сәйкес, әкім наурыздың 21-і күні әкімдік ғимаратында пара алу үстінде ұсталған болатын. "Бүгінде А. есімді азаматқа қатысты Қылмыстық кодекстің 311-бабы, 2-тармағы - "пара алу" бойынша қылмыстық іс қозғалды. Ол ауылдық округ аумағында орналасқан ескі мал базасын бұзуға ауызша рұқсат бергені үшін К. есімді азаматтан 50 мың теңге көлемінде пара алған", - делінген ресми хабарламада.
Әкімді ұстау барысында ақша тәркіленді. Қылмыстық іс тергелуде.
