+7 (777) 001 44 99
Қазақша
Русский
English
Ақмола облысында жыл басынан бері мотоциклдің қатысуымен 14 ЖКО тіркелді, - деп хабарлайды Tengrinews.kz тілшісі Polisia.kz сайтына сілтеме жасап.
Ақмола облысы ПД жергілікті полиция қызметі басқармасы бастығының айтуынша, жыл басынан бері мотоциклдің қатысуымен 14 ЖКО тіркелген, онда 2 адам қаза тауып, 17 адам жарақат алған.
Түрлі заңбұзушылықтар үшін 280 мотоцикл жүргізушісі жауапқа тартылды. 180 мотоцикл айыппұл тұрағына қамалды, оның 40-ы Көкшетау қаласында. Жазда жолдарда екі дөңгелекті көлікпен жүретін адамдардың саны артады. Дәл осы жол қозғалысына қатысушылардың санаты ең аз қорғалған болып шығады. Мотоцикл, автомобильден айырмашылығы, қозғалыстың басқа ерекшелігіне ие.
Сондай-ақ, полицейлердің пікірінше, қазіргі жасөспірімдерге ең қажет сыйлықтардың бірі - мопед. Көптеген ата-аналар балаларын қуантуға тырысып, оларға қауіпті көлікті сатып алып, оның артындағы ауыр жағдайлар туындайтынын ұмытып кетеді.
"Осыған байланысты полицейлер барлық ата-аналарға құқық қорғау органдарының кеңестерін тыңдауға шақырады. Балаңыздың еркелігіне берілмей, мұндай маңызды тауарды сатып алмаңыз. Ол кәмелетке толған кезде көлікті басқаруға тиісті құжаттарды алуы қажет", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
