+7 (777) 001 44 99
Қазақша
Русский
English
Полиция жүргізушіні екі рет жол ережесін бұзғаны үшін жауапқа тартты, - деп хабарлайды Tengrinews.kz тілшісі Polisia.kz сайтына сілетем жасап.
Астана – Қорғалжын автожолының 15-шақырымында патрульдік полиция қызметкерлері Lada автокөлігін тоқтатты. Тәртіп сақшылары көліктің терезелері күңгірттелгеніне күмәнданып, тексеру жүргізді.
"Полицейлердің күдігі расталды – бұл көлікке терезесін күңгірттеуге заңмен мүлде тыйым салынған. Құжаттарды тексеру барысында жүргізушінің көлік басқаруға ешқашан құқығы болмағаны анықталды. Ол көлікті жақында ғана сатып алғанын, ал терезелердегі күңгірт қабаттың ережеге қайшы екенін білмегенін айтты", - делінген хабарламада.
Алайда полиция қызметкерлері заң талаптарына сәйкес жүргізушіге екі әкімшілік хаттама толтырды:
- ҚР ӘҚБтК-нің 590-бабының 5-бөлігі бойынша – көлік құралдарын пайдалану қағидаларын бұзғаны үшін;
- ҚР ӘҚБтК-нің 612-бабының 2-бөлігі бойынша – жүргізуші куәлігінсіз көлік басқарғаны үшін.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
