Ақмола облысындағы демалыс базасында жаттықтырушылар дауға қалды

Дина Шарипханова Корреспондент

Зерендідегі демалыс базаларының бірінде өзін жаттықтырушылармыз деген ер адамдар жанжал шығарды. Бұл туралы "Бірінші сыбайлас жемқорлыққа қарсы медиа орталық" қоғамдық ұйымы хабарлады, - деп хабарлайды Tengrinews.kz тілшісі.

Зерендідегі демалыс базаларының бірінде өзін жаттықтырушылармыз деген ер адамдар жанжал шығарды. Бұл туралы "Бірінші сыбайлас жемқорлыққа қарсы медиа орталық" қоғамдық ұйымы хабарлады, - деп хабарлайды Tengrinews.kz тілшісі.

Хабарламаға сәйкес, ер адамдар ішімдік ішіп, өзгенің бөлмесіне кірмек болған, әйелдер мен балаларды қорқытып, түн ортасында айқайлап, балағат сөздер айтқан, кейін полициямен жанжалдасқан.

"Әкімші полиция жасағын шақыруға мәжбүр болды. Бірақ қызметкерлердің келуі де қонақтарды тоқтатпады — керісінше, олар одан бетер ерсі қылықтар көрсетіп, өздерін ешкім тоқтата алмайтынын, олар үшін ешкім заң емес екенін ашық көрсетті. Адамдар да. Заң да. Форма да.

Оқиғаның бәрі видеоға түсірілген. Біз сіздерге тек үзіндісін көрсеттік, жағдайдың қаншалықты күрделі екенін түсіну үшін. Полиция қызметкерлерінің кеудеге тағылатын камераларындағы жазбалар да сақталды деп үміттенеміз және барлық тиісті бап бойынша іс қозғалғанына сенеміз", – делінген жарияланымда.

"Полиция көз алдында тұрғанда да "жаттықтырушылар" боқтап, айқайлай берсе, бұл жай ғана адамгершілікке жат қылық емес, бұл заңға көрсетілген ашық құрметсіздік... Оның да салдары болады", – делінген мақалада.

Сондай-ақ, видеода көрсетілген барлық дерек құжат, соның ішінде қаржылық құжаттармен дәлелденгені айтылды.

Ұйым жақын арада оқиғаның толық нұсқадағы видеосын жариялауға уәде берді.

Посмотреть эту публикацию в Instagram

Публикация от @anticor_media_center

Оқиғаға қатысты Ақмола облыстық Полиция департаменті пікір білдірді. Ведомство мәліметінше, оқиға 17 шілдеде Зеренді ауданындағы демалыс орындарының бірінде болған.

"Құқық бұзушыға қатысты полиция қызметкерлері Әкімшілік кодекстің үш бабы бойынша материалдар жинады. Зеренді аудандық сотының шешімі бойынша, ол әкімшілік қамауға алынды. Полицейлер азаматтарды көпшілік демалыс орындарында қоғамдық тәртіпті сақтауға және құқық қорғау органдарының заңды талаптарын орындауға шақырады", – делінген хабарламада.

Кейін Қоян-қолтық ұрыс федерациясы оқиғаға қатысты егжей-тегжейлі пікір білдірді. Бейнежазбадан көрсеңіз болады: