АҚШ-тың Қазақстандағы жаңа елшісі Дэниел Розенблюм екі ел арасындағы қарым-қатынасты нығайту туралы айтты, - деп хабарлайды Tengrinews.kz тілшісі.
Розенблюмнің сөзі Америка елшілігінің Instagram парақшасында жарияланды.
Дипломат сөзін қазақ тілінде амандасудан бастап, жұбайын жұртшылыққа таныстырды.
Посмотреть эту публикацию в Instagram
"Менің ойымша, бізде екіжақты қарым-қатынасты нығату үшін теңдесі жоқ және бұрын-соңды болмаған мүмкіндік бар. Мен Қазақстанның алдында тұрған үлкен сын-қатерлерді де көремін. Бұл сынақтар маған АҚШ-Қазақстан қарым-қатынасы үшін үлкен мүмкіндіктер болып көрінеді", - деді елші.
2019 жылдан бері Дэниел Розенблюм АҚШ-тың Өзбекстандағы елшісі қызметін атқарды. 2014 жылдың шілдесінен 2018 жылдың шілдесіне дейін Розенблюм Мемлекеттік департаменттің Оңтүстік және Орталық Азия істері бюросында Мемлекеттік хатшы көмекшісінің орынбасары қызметін атқарды. Оның міндеттеріне АҚШ-тың Орталық Азиядағы бес мемлекетпен: Қазақстан, Қырғызстан, Тәжікстан, Түркіменстан және Өзбекстанмен саясаты мен дипломатиялық қарым-қатынастарын басқару кірді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
