+7 (777) 001 44 99
Қазақша
Русский
English
Ақтөбедегі белгілі шенеунік Жанаргүл Дүйсекенова Қазақстанның Қаржы министрлігінің үстінен сотқа арыз берген. Сот ісі қалалық сот өндірісінде пайда болды, - деп хабарлайды Tengrinews.kz тілшісі "Ақтөбе Таймс" газетіне сілтеме жасап.
Дүйсекенова заңсыз қылмыстық қудалау үшін моральдық зиянды өтеу ретінде екі миллион теңге талап етіп отыр екен. "Азаматтық істі қарау аяқталуға жақын", - деп жазады басылым.
Ақтөбе әкімдігінің тұрғын үй бөлімінің бұрынғы басшысы Жанаргүл Дүйсекенова бір жылдан астам қылмыстық қудалауда болған. 2019 жылдың сәуірінде ол қызметтік жағдайын пайдаланып алаяқтық жасады деген күдікпен қамауға алынды.
Тергеу мәліметтері бойынша, 2015-2018 жылдар аралығында Дүйсекенова басқа адаммен алдын ала сөз байласып, сенімге кіріп, бөтеннің ақшасын ірі мөлшерде иеленіп, мемлекеттік бағдарлама бойынша баспана алып беремін деп уәде еткен. Қылмыстық іс бойынша жәбірленуші ретінде 38 адам танылған, ал шығын шамамен 100 миллион теңгеге тең болған.
Шенеуніктің достары Қазақстан Президенті Қасым-Жомарт Тоқаевқа, сондай-ақ сенат төрағасы Дариға Назарбаеваға, бас прокурор Ғизат Нұрдәулетовке және Ақтөбе облысының әкімі Оңдасын Оразалинге ашық үндеу жазды.
"Жанаргүл Дүйсекенова саналы ғұмырын мемлекеттік қызметке арнаған, өз отбасын құрып, бала таппаған. Біз оның пара алуы мүмкін екеніне сенбейміз, әсіресе бұл мөлшерде. Оны қамаудан босатуды, осы іс бойынша әділ және объектив тергеуді сұраймыз", - делінген хатта.
Кейін сотта оның кінәлі емес екені анықталды, ол ақталып шықты. Тұрғын үй бөлу секторы бойынша қызметке оралған ол жұмысқа бара мәжбүрлі түрде бара алмаған уақыты үшін жалақысын өндіруге арыз берген. Алайда, әкімдіктегі бөлім және қазір оның лауазымы басқа. Соңғы бес айда Дүйсекенова Ақтөбе қаласының экономика және қаржы бөлімі басшысының орынбасары болып жұмыс істеді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
