"МАЭК-Қазатомөнеркәсіп" ЖШС ЖЭО-3 аумағында трансформатор өртенді. Өрттің жай-жапсары туралы облыстың Төтенше жағдайлар департаменті мәлімдеді, - деп хабарлайды Tengrinews.kz тілшісі.
Ведомствоның мәліметінше, 31 мамырда сағат 21:42-де Маңғыстау облысы Төтенше жағдайлар департаментінің жедел кезекшісіне "МАЭК-Қазатомөнеркәсіп" ЖШС (ЖЭО-3) аумағында трансформатор өртеніп жатқаны туралы ақпарат келіп түскен.
"Қазіргі уақытта өртті жою жұмыстары жүргізіліп жатыр", - деді ТЖД.
Төтенше жағдайлар департаменті зардап шеккендер жоқ екенін айтты.
"Кәсіпорын қызметкерлеріне қауіп төніп тұрған жоқ. Өрт облысты энергия ресурстарымен, сумен және электр энергиясымен қамтамасыз етуге әсер етпейді", - деп толықтырды ТЖД.
Кәсіпорын штаттық режимде жұмыс істеп тұр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
